அரசியல்வாதி

=============

உள்ளபடி கூறினால்

உளறல் என்றுரைப்பர்

உகந்தபடி உளறினால்

உண்மை ஏதும் இல்லையென்பர்

தகுந்தபடி உரைத்தால்

தாவி வேறொன்றோது நிற்பர்

நல்லபடி நன்றொரைத்தால்

நள்ளி நகையாடுவர்

உருப்படி இல்லையென்றால்

உள்ளபடி மகிழ்வர்

எப்படியெப்படி ஆயினும்

அவர்படி அப்படியப்படியே

அவர்கள் இருப்பர்

 திறந்த புத்தகம்

============

என்றும் நான் திறந்த புத்தகம்

வாழ்வில் நிகழ்ந்த மாற்றங்கள்

சிற்றறிவில் தெரிந்த தோற்றங்கள்

சூழ்நிலைசார் கொணர்ந்த நோக்குகள்

வடித்து கொட்டிய எண்ணங்கள்

வடிவில் வந்த வார்த்தைகள்

எழுதியழித்த வரிகள்

எழுதெழுத மாறிய வரிகள்

மறைக்கக் கூடாதென்று

மறைநிலையில் உரைத்த எண்ணங்கள்

உண்மையுடன் நிறைந்த பக்கங்கள்

சில நேரங்கள் புரியாத அர்த்தங்கள்

படிக்கப்படிக்க உணர்ந்தும் அர்த்தங்கள்

ஏனோ எல்லா பக்கங்கள்

படிக்கப்பட்டவை

அங்குமிங்கும் ஒருசிலரால்

இன்னும் உள்ளது

பலரால் படிக்கா பல பக்கங்கள்

என்னை அறியாமல் நான்

எழுதிய பல பக்கங்கள்

இன்னும் எழுதாத

எத்தனை பக்கங்கள்

இருந்தும் ...

என்றும் நான் திறந்த புத்தகம்

முட்டுவாதம்

============

சமூக வலைதளத்தில்

புயலாய் பரவுது எங்கள் நாட்டில்

சார்புநிலை மீறிய

இந்த புதுவாதம் .. முட்டு வாதம்

நித்தம் கேட்கும் நாதம்

தர்மத்தின் வாதம் முழங்கும்

அறச்சீற்றம் அரங்கேறும்

வேண்டாதவர் தவறுகள் போது

வேண்டியவர்கள் தவறுக்காக

வேண்டாத புள்ளியில்

புய்யியல் தகவல்கள்

தவறுகளை முந்திய

தவறுகளுடன் அழகிய

அழுக்கான ஒப்பிடல்

கொள்கைகளில்

மூட்டு கழன்றவர்களின்

நித்தம் நிகழ்த்தும்

முட்டு வாதம்

வாழ்த்துக்கள்

=============

நாட்கள் மெல்ல மெல்ல

நகரது

புதுவருடம் வரும்போது

போன நாட்கள் ஞாபகம்

எல்லாம் வந்து போகுது

புத்தம் புது பொலிவுடன்

வரும் நாட்கள் நகர

புத்தாண்டு வாழ்த்துக்கள்

 ஆயிரம் நடக்கும்

================

கண்ணு முன்னாடி ஆயிரம் நடக்குது

ஆசையில் மனசு அலை மோதுது

தேவைகள் எல்லாம் கண்ணு தேடுது

வேண்டியது மட்டும்தான் நெஞ்சில நிக்குது

காணாது எல்லாம் மாயமாய் மறையுது

காண நினைத்து கானலாய் கறையது

கண்ணு முன்னாடி இன்னும் ஆயிரம் நடக்குது

சிறுதாகம்

==========

அவள் கண்ணில் குறும்புடன்

சிறுக்குறிப்பு

காதலில் காலங்கள்

காத்திருந்த அவனில்

உறங்கிருந்த உள்ளத்தால்

உன்னதக் கவியாய் படிப்பு

உதட்டின் அவள் சிறுபுன்னகை

வந்து மறைய

ஆனந்தத்தின் உச்சத்தில் இருந்தாலும்

ஆழமாறியா அவள் மனதும்

ஆங்காங்கே வந்து போகும் தளர்வும்

காலமறியாமல்

காதல் இழக்க விரும்பா மனதும்

கண்டது கானலை

கானலும் ஏனோ தணிந்தது

அவனின் சிறுதாகம்

பாலையிலும் உண்டு சோலை

என்ற நம்பிக்கையின் துடிப்புடன்

 அழகாய்

========

பார்த்தேன் தினம் வழக்கமாய்

பார்த்தாள் பார்வையின் ஓரமாய்

சென்றேன் அருகில் ஒருமனமாய்

சென்றாள் வெகு தூரமாய்

நின்றேன் எதோ அற்பமாய்

நின்றாள் மனதில் இன்றும் அழகாய்

 ரகமாய்

=======

தெரியாததை

தெரிந்ததாய் காட்டும் ஒரு ரகம்

தெரிந்தும்

தெரியாதென்று நடிக்கும் ஒரு ரகம்

தெரியுமா

தெரியாதாவென்று அறியாமல் ஒரு ரகம்

நாளும் ஒரு ரகம் கண்டேன்

நாளும் ஒரு ரகமாய் நின்றேன்

நானும் புரியாத ஒரு ரகமாய்

கடந்தவை

 

கடந்தையெண்ணி

திரும்பிப் பார்த்தேன்

காலத்தைத் தாண்டி

மனத்திற்கு ஒட்டியவை

மனதை வெட்டியவை

அருகில் தெளிவாய்

மற்றைவை

ஆங்காங்கே எட்டியும்

தொலைவிலும் மங்கலாய்

கடந்தவை கடந்தவாய் ...

 புத்தக அலமாரி

=============

தூசி தட்டிப் புத்தகம்

படிக்க பழக்கத்தால்

வரிசை மாறாமல்

அழகாய் புத்தக அலமாரி

புத்தகம் படித்தப்பின் தான்

பெயர் எழுத நினைத்தால்

எந்த புத்தகத்திலும்

பெயர் எழுதாத புத்தக்ங்கள்

அழகாய் புத்தக அலமாரியில்

புத்தகம் வாங்க வேண்டும்

சிறுவயது எண்ணத்தால்

என்றோ வாங்கிய புத்தகங்கள்

இன்னும் உறங்குகின்றன

புத்தக அலமாரியில்

மின்புத்தகம் படிக்க வேண்டும்

எண்ணத்த்தால் ஆசையாய்

வாங்கிய புத்தகங்கள்

அலங்காரமாய் புத்தக அலமாரி