கற்பனை உலகம்

================

இயல்பை இயல்பாய் உடனிருந்து

மறக்கடிக்க செய்யும் உலகம்

ஆசைகளின் அடுக்கில்

அமைந்த உலகம்

உண்மையை எதிர்கொள்ளா

அச்சத்தின் அடித்தளத்தில்

அமைந்த உலகம்

உண்மையை என்றும் மறுக்கும் உலகம்

கண்ணைக் கட்டிக் கொண்டு

தன்னை மையமாய்

தன்னை மறக்கடித்து

தான் மட்டும் வாழும் உலகம்

எல்லோருக்குமான உலகம்

எவரும் காணா உலகம்

விண்ணுக்கும் மண்ணுக்கும்

இடையில் உள்ள திரிசங்குலகம்

கற்பனை உலகம்