சமுக வலைத்தளங்கள்

எட்டிப் பார்க்கும்
குட்டிச் செய்திகளைத்
தத்தி தத்தி பின் தொடர
ட்விட்டர் கணக்கு

திண்ணைப் பேச்சுகளும்
பாடமாய்
சில காணொளிப் படங்களாய்
பல அன்பர்களுடன்
கைக்கோர்க்க
முகநூலில் சேர்க்க

கண்கள் கண்டது
மனதில் பதிந்தது
போதா தென்று
கையடக்க தொலைபேசியின்
காமிராவிலும் பதிய
உலகமும் காண
உபயம் சமுக வலைத்தளங்கள்

யான் கண்ட இ(து)ன்பம்
காண்க இவ்வையகம் என
யாதும் குறையாத வகை பங்கிட
யூ-ட்யூப் காணொளி

என்னடா நடக்குது நாட்டிலே
என்று கேள்வி கேட்காது வகையிலே
நடப்பை அப்போதே அப்டேட்
வாட்ஸ்-அப்ஸ் மூலம்

கண்ணுக்குத் தெரியாத வலையில்
தகவல் கைக்குள்ளே
உலகம் சுருங்குது

- செல்வா