கஜல் துளிகள்

நிழலும் முன்செல்லும் நிலவே நீ என்பின் நின்றால்
நிழலும் மறந்தேன் நிலவே நீ என்முன் நின்றதால்

பாவை மனதினில் விழுந்தேன்
உடைந்தது என் மனம் பாவை அங்கில்லை பாறை

எங்கும் செல்லும் காதல் உன்னிடம் செல்லா காதல்
விட்டு செல்லவில்லை என்னிடம் இன்னும்

மறதி நோய் என்னிடம் உன்னை மட்டும் மறக்காதால்
மனதை மறைக்காமல் சொல்ல மறந்ததால் மறதியில் நான்

வானவில்லாக நீ மழைக்காலம் இல்லை உன் மனதினில்
குளிரும் என் நெஞ்சம் கத்திரி வெயிலிலாக நீ என்றாலும்

- செல்வா