மனநிலை

நாரும் இங்கு மணக்கும்
பூவின் அருமை உணர்த்தும்
தேவையிங்கு மாற
வேண்டியவை வேண்டாவையாக
பூவும் இங்கு நாறும்

****

நாளும் இரவில் உலா
முன் நின்றும் தெரியவில்லை நிலா
வரவுகள் இருக்க
லாபம் கணக்கில் தெரிய
தேவை என்றதும் வேரிலே பலா

****

தீராமல் மனதின் தாகம்
கொள்ளும் மனதில் வேகம்
கண்ணைக் கட்டும்
எல்லையதும் மீறும்
தழலாய் எரியும் மோகம்

****

மனதோடு மெல்ல உரசல்
வயிற்றில் கரைசல்
தாவும் மனம்
தேடும் தினம்
கண்ணோடு கலந்த காதல்

- செல்வா

பி.கு: லிமெரிக் வகையில் எழுதியது