கண்களுடன் கவிகள்

பார்வைக் கொள்ளாமல் இருக்கும் சிறுக்கி
தேர்வு செய்தேனுன்னை மனம் இணங்கி
வார்த்தையொன்று சொல்லடி கட்டழகி
நேர்த்திக் காண்போம் தினமும் பழகி

சேரும் மனங்கள் மாறும் குணங்கள்
வேரும் ஊறும் காதல்தரும் பழங்கள்
அருமை அனைத்தும் என்னவள்
அரும்பும் மலர்கள் நல்ல மலர்ச்சிகள்

ஆசைமொழிகள் பலவும் பேசி மகிழ்வோம்
நேசமுடன் நெஞ்சினிலே கனவுகள் வளர்ப்போம்
வாசம்வீசும் வாழ்வை எண்ணுவோம்
ஓசையின்றி கண்களுடன் கவிகள் பேசுவோம்

- செல்வா